STENBOL - Dayîkê Şemeyî 30ine serrgêra çalakîya xo de aqûbetê Mehmet Saît Zengîn persayî û vatî: "Ma aştî û edalet wazenê û eynî wextî de aqûbetê vînîbîyaye musayî."

 

Dayîkê /Merdimê Şemeyî semedê aqûbetê kesê ke destbendkerdişî de ameyê vînîkerdiş û qetilkerdiş bipersê û semedê muhakemekerdişê failan, hewteyê 1053ine ê çalakîya xo de Meydanê Galatasarayî de ameyî têhet.

 

Dayîkê Şemeyî ke bi qurnefîl û fotografê qurbaniyan ameyî têhet no hewte aqûbetê Mehmet Saît Zengîn pers kerdî ke 6ê gulane 1995ine qezaya Mîdyatî ya Mêrdînî de destbendkerdişî de ameyî vînîkerdiş. Metnê eşkerayîye hetê Îkbal Erenî ra ame wendiş.

 

Eşkerayîye de wina ame vatiş: "Bi 30 serrî yo keyeyê ey perseno. Çi ame sereyê Mehmet Saît Zengînî? Persî bêcewab ameyî verdayîş. Dosya ke bi hewldayîşê Komeleya Heqê Merdiman ê Şubeyê Mêrdînî newe ra ameyî vînayîş. Çiqas serrî derbaz bibê zî ma qerardar ê ke semedê Mehmet Saît Zengîn û semedê pêro vînîbîyayeyanê xo edalet biwazê; Ma tu wext dest qerardarîya xo ra vera nêdanê ke ganî dewlete goreyê mîqyasê hiqûqî yê gerdûnî têbigêrê.”

 

Qerenfîl Meydanê Galatasarayî de dayî ro û dima ra çalakî peynî bî.