ANQARA - Ekîn Ceren Dogruak 20ine serrgêra wefatê xo de gorê xo ser o bi merasîmêk amî yadkerdiş. 

 

Ekîn Ceren Dogruak (Amara) ke bajarê Silêmanî yê Başûrê Kurdistanî de netîceya qezaya trafîkî de dinyaya xo bedelnaye, 20ine serrgêra wefatê xo de Goristanê Karşiyakayî de bi merasîmêk amî yadkerdiş. 

 

Keyeyê Ekîn Ceren Dogruak, Parlamenterê Partiya Têduştî û Demokrasî (DEM Partî) George Aslan û Mehmet Zekî Îrmez, îdarekarê Rêxistina bajarê Anqarayî yê DEM Partî û xeylêk kesî beşdarê yadkerdişî bîy. 

 

'Semedê têkoşînê şarî...'

 

Babîyê Ekîn Cerene Nusret Dogruak wina va: "Bi 20 serrî yo heval û merdimê Ekîn Cerene her tim kîşte ma de yê. Ekîn Cerene semedê xo tena nê, semedê babî û dadîya xo nê, semedê têkoşînê şarî yê azadî û aştîye, demo ke ciwan bî û lîse wendêne, dest bi nê têkoşînî kerd. Seke keyeyê aye ma zî aye rê rêze girewt.”

 

Yadkerdiş bi dayîşê çîçeganê gorî ser o peynî bî.